About

THIHA

Thiha Lu Lin (Thiha, the Traveller)
Name.png

Mingalarbar!

I'm Thiha from Myanmar who aspires to travel around the world and learn as much as possible. I share my travel stories here supported by beautiful photos, videos and more. I love travelling to enquire, to hear local stories, to enjoy the nature and of-cause to have fun.

Follow

THIHA

brush1.png
TikTokbrush.png
brush4.png
youtubebrush.png
Subscribe

နေ့စဉ် ပြည်တွင်းပြည်ပ ခရီးသွားသတင်းထူးများအပါအဝင် ခရီးစဉ်လည်ပတ်စရာများအကြောင်းတွေ နဲ့ ဒေသန္တရ ဗဟုသုတအစုံအလင် သိရှိနိုင်ဖို့ အပတ်စဉ်သတင်းလွှာ လေးကို ခုပဲ ရယူလိုက်ပါ။ စာရင်းသွင်းသူများအတွက် ကျွန်တော့်ရဲ့ ပထမဆုံး ပုံနှိပ်စာအုပ် "၁၇" ကဗျာနဲ့ဝတ္ထုတိုစာအုပ်ကို လက်ဆောင် ပေးပို့သွားမှာ ဖြစ်တဲ့အပြင် သတင်းလွှာကနေတဆင့် အခမဲ့ခရီးသွားခြင်းအစီအစဉ်တွေ၊ ခရီးသွားလက်ဆောင်တွေ စတဲ့ ထူးခြားအခွင့်အရေးတွေလည်း သိရှိနိုင်ဦးမှာပါ။

ခုပဲ အမည် နဲ့ အီးမေးလ်လိပ်စာထည့်ပြီး စာရင်းသွားလိုက်နိုင်ပါပြီ။

Thanks for submitting!

  • Thiha Lu Lin

နာမည်ကျော် ခရစ်တော်ရုပ်တုကြီးပေါ် နေထွက်ချိန် ကြည့်လို့ အထိန်းသိမ်းခံရတဲ့ ပြင်သစ်ခရီးသွား နှစ်ဦး

ပြင်သစ် ခရီးသွားနှစ်ဦး ဖြစ်သူ Celement Dumais (၂၈ နှစ်) နဲ့ Paul Rouz-dit-Buisson (၂၇ နှစ်) တို့ဟာ ဘရာဇီးနိုင်ငံ ရဲ့ Rio de Janeiro မြို့မှာ ရှိတဲ့ ကမ္ဘာကျော် ခရစ်တော်ရုပ်တုကြီး အပေါ်မှာ မနက်ခင်း နေထွက်ချိန်ကို ကြည့်ရှုခဲ့ကြလို့ ဘရာဇီး အာဏာပိုင်တွေက ထိန်းသိမ်းလိုက်တာ ဖြစ်ပါတယ်။


ကမ္ဘာကျော် Rio de Janeiro က The Christ the Redeemer ရုပ်တုကြီး | Photo: FABIO MOTTA AFP

ခရီးသွားတွေကြားမှာ နေထွက်ချိန်၊ နေဝင်ချိန်တွေကို တမူထူးခြားစွာ ခံစားတတ်သူတွေ များစွာ ပါဝင်ပါတယ်။ မှတ်တမ်းကောင်း ရလိုသူများဟာလည်း ဒီလိုအချိန်တွေကို အမိအရ ဓါတ်ပုံ နဲ့ ဗီဒီယိုမှတ်တမ်းတင်မှုတွေ ကြိုးစားလုပ်ဆောင်လေ့ ရှိတတ်ကြပါတယ်။ ဒီတစ်ကြိမ်မှာတော့ ပြင်သစ်လူငယ် ခရီးသွားနှစ်ဦးဟာ ပေပေါင်း ၁၂၅ ပေမြင့်တဲ့ ရုပ်တုကြီးပေါ်ကို တနင်္ဂနွေညပိုင်းမှာ ဝင်ရောက်ခဲ့ကြပြီး ရုပ်တုကြီးဆီ ဝင်ရောက်လေ့လာခွင့် ပိတ်တဲ့ အချိန်ထိ အတွင်းမှာ နောက်နေ့ နေထွက်ချိန်ကြည့်ဖို့ ဆက်နေခဲ့ကြပါတယ်။ နေမထွက်ခင်လေးမှာ ခရစ်တော်ရုပ်တုကြီးရဲ့ ဖြန့်ထားတဲ့ လက်နှစ်ဘက် က တစ်ဘက် ကို လှေကားနဲ့ တက်ခဲ့ကြပြီး နေထွက်ချိန်ကို မြို့အပေါ်ရှုခင်းအလှရယ်၊ Guanabara ပင်လယ်ကွေ့ရဲ့အလှရယ်နဲ့ ပေါင်းစပ် ခံစားခဲ့ကြတာပါ။


စွန့်စားမှုက သိပ်မကြာခင်ဘဲ အဆုံးသတ်ရပါတော့တယ်။ အစောင့်တွေဟာ ဒီ နှစ်ဦး ကို တွေ့ရှိသွားကြလို့ပဲ ဖြစ်ပါတယ်။ သူတို့နှစ်ဦး လက်နှစ်ဘက်လုံးရော၊ ဦးခေါင်းပေါ်ထိပါ တက်လို့ ရှုခင်းကြည့်ခဲ့ကြတာဖြစ်တယ်လို့ Roux-dit-Buisson က ဝန်ခံခဲ့ပါတယ်။ သူတို့နှစ်ဦးဟာ တနင်္လာနေ့အထိ အထိန်းသိမ်းခံထားရပြီး အာမခံငွေ အမေရိကန်ဒေါ်လာ ၁,၉၀၀ ပေးဆောင်လို့ ပြန်လည် လွတ်မြောက်ခဲ့တာပါ။


သူတို့နှစ်ဦးဟာ နိုင်ငံအသီးသီးက ကမ္ဘာကျော် ရုပ်တုနဲ့ နေရာများစွာမှာ ခုလို လုပ်ဆောင်ခဲ့ဖူးတယ်လို့လည်း သိရပါတယ်။ အခုတစ်ကြိမ်မှာတော့ ဘရာဇီးနိုင်ငံ က ကမ္ဘာကျော် ခရစ်တော်ရုပ်တု Christ the Redeemer Statue မှာ တက်ရောက်ခဲ့ကြတာဖြစ်ပါတယ်။ ဒီရုပ်တုဟာ လာမဲ့ ၂၀၂၁ အောက်တိုဘာလ မှာ နှစ် ၉၀ ပြည့်တော့မှာ ဖြစ်ပြီး ယခုရက်ပိုင်းအတွင်းမှာ ပြုပြင်ထိန်းသိမ်းရေးတွေ လုပ်ဆောင်လျှက်ရှိပါတယ်။ ဒီနေရာဟာ နှစ်စဉ် လူ ၂ သန်းကျော် လာရောက်လည်ပတ်ကြတဲ့ ဘရားဇီးနိုင်ငံ ရဲ့ အထိမ်းအမှတ်တစ်ခုလည်း ဖြစ်ပါတယ်။ - Source: AFP

4 views0 comments