top of page

About

THIHA

IMG_7143.JPG
Name.png

Mingalarbar!

I'm Thiha from Myanmar who aspires to travel around the world and learn as much as possible. I share my travel stories here supported by beautiful photos, videos and more. I love travelling to enquire, to hear local stories, to enjoy the nature and of-cause to have fun.

Follow

THIHA

brush1.png
TikTokbrush.png
brush4.png
youtubebrush.png
Subscribe

နေ့စဉ် ပြည်တွင်းပြည်ပ ခရီးသွားသတင်းထူးများအပါအဝင် ခရီးစဉ်လည်ပတ်စရာများအကြောင်းတွေ နဲ့ ဒေသန္တရ ဗဟုသုတအစုံအလင် သိရှိနိုင်ဖို့ အပတ်စဉ်သတင်းလွှာ လေးကို ခုပဲ ရယူလိုက်ပါ။ စာရင်းသွင်းသူများအတွက် ကျွန်တော့်ရဲ့ ပထမဆုံး ပုံနှိပ်စာအုပ် "၁၇" ကဗျာနဲ့ဝတ္ထုတိုစာအုပ်ကို လက်ဆောင် ပေးပို့သွားမှာ ဖြစ်တဲ့အပြင် သတင်းလွှာကနေတဆင့် အခမဲ့ခရီးသွားခြင်းအစီအစဉ်တွေ၊ ခရီးသွားလက်ဆောင်တွေ စတဲ့ ထူးခြားအခွင့်အရေးတွေလည်း သိရှိနိုင်ဦးမှာပါ။

ခုပဲ အမည် နဲ့ အီးမေးလ်လိပ်စာထည့်ပြီး စာရင်းသွားလိုက်နိုင်ပါပြီ။

Thanks for submitting!

  • Writer's pictureThiha Lu Lin

ပြည်မှာ ကြက်သောက်ဆမ်းစားမယ်

ပြည်မြို့ကို ရောက်ပြီဆိုတိုင်း နေ့လည်စာ ကောင်းကောင်းစားဖို့ ကျွန်တော် ကတော့ ဦးကြည်စိုး ကို ရှာပြီ။ ပြည် နဝဒေးတံတားနားက ကြက်သောက်ဆမ်း၊ ကြက်ကာလသားချက် ဆိုင်ဆိုရင် အလည်ရောက်သူတိုင်းရော၊ မြို့ခံတွေကပါ ဦးကြည်စိုး ဆိုင်ကို ရှာလေ့ရှိတယ်။ ဦးဘယ်သူ ဦးဘယ်ဝါ နဲ့ ကြက်သောက်ဆမ်းဆိုင်လေးတွေကလည်း မနီးမဝေးမှာ ဆင်တူလေးတွေ ရှိနေကြတော့ ဆိုင်ကို အတော်ရှာယူရပါတယ်။


နဝဒေးတံတားကိုတက်တဲ့ ညာဘက်ခြမ်းလောက်မှာ ရှိပါတယ်။ ဆိုင်နာမည်က ရွှေပြည် ပါ။ ရွှေပြည် ဆိုင်နာမည်ရဲ့ အပေါ်မှာမှ ဦးကြည်စိုး နဲ့ ဇနီး နာမည်ကို ရေးထားပါတယ်။ ဒီအမှတ်အသားလေးကို သတိပြု ရှာကြရပါတယ်။ ဒီဆိုင်းဘုတ်ကိုတော့ လမ်းဘယ်ဘက်က လာလာ မြင်နိုင်အောင် ကန့်လန့်ဖြတ် လုပ်ထားပါတယ်။ ဆိုင်ရဲ့ အပေါ်မှာတင်ထားတဲ့ ဆိုင်းဘုတ်ကတော့ ဦးကြည်စိုး နာမည်ကို ထင်ထင်ရှားရှားရေးထားလေရဲ့။


တစ်ဦးစာ ၃၀၀၀ ကျပ် နဲ့ အဝစား ကြက်သားဟင်းတစ်မယ်၊ အရံဟင်းအစုံနဲ့ ထမင်းဖြူတို့ကို အားရပါးရ စားကြရပါတယ်။ လိုအပ်တဲ့ ကြက်သားဟင်း ပွဲလိုက်ဖို့ကိုလည်း စေတနာအပြည့်နဲ့ လက်မတွန့်စတမ်း လိုက်ပေးပါတယ်။ ဗမာကြက် (အိမ်ကြက်) မို့ အသားနည်းပေမဲ့ အရသာရှိပြီး စားကောင်းပါတယ်။ ကြက်သောက်ဆမ်းရော၊ ကြက်ကာလသားချက်ရော စားကောင်းသလို ဒီဆိုင်က ကြက်သားကြော်လည်း အတော်လေး အရသာ ရှိပါတယ်။ အရံဟင်းလည်း စုံတယ်။ ကြက်အသည်းအမြစ်ကို ငရုတ်သီးစပ်စပ်နဲ့ ကြော်ချက်လေးက ငရုတ်သီးနံ့လေး မွှေးပြီး ကောင်းနေသလို၊ ခရမ်းသီးနုဟင်း၊ ကုလားပဲဟင်း၊ မျှစ်ဟင်း၊ ကြက်သားအားလူးဟင်း၊ ဂေါ်ရခါးညွှန့်ကြော်၊ နှမ်းဖတ်ချဉ်သုပ်၊ ပဲသီးကြော်၊ ငါးလေးကြော်၊ ငပိရည် တို့စရာအစုံ တို့နဲ့ အတော်လေး စားကောင်းတယ်။ ကြက်သောက်ဆမ်းကိုလည်း နှစ်မျိုးပေးတယ်။ တစ်မျိုးက အစပ်၊ တစ်မျိုးက အချို၊။ ကြက်သားဗူးသီးဟင်းအရသာမို့ အရည်ဆမ်းပြီးထမင်းမစားဘူးတဲ့ ကျွန်တော်၊ ဒီတစ်ခါတော့ အားရပါးရ ဟင်းအရည် ရွှဲရွှဲဆမ်းပြီး စားဖြစ်သွားတယ်။


ပြည်မြို့ရောက်ရင်တော့ ဦးကြည်စိုး ကြက်သောက်ဆမ်းဆိုင်လေး စားကြည့်လှည့်ပါဦး။ ပြီးတော့ ကျွန်တော်နဲ့ အကြိုက်ချင်းတူ မတူ ပြောပြလှည့်ပါဦးဗျာ။

အားလုံးပဲ အစဉ်ဘေးကင်းလုံခြုံ ကျန်းမာပြည့်စုံ ပျော်ရွှင်စွာ ခရီသွားနိုင်ကြပါစေ။

သီဟလုလင် (Thiha, the Traveller)

108 views0 comments

Commenti


bottom of page