• Thiha Lu Lin

ဂျပန်နိုင်ငံ ဝင်ရောက်ခွင့်ကို ထိုင်းနိုင်ငံ အပါအဝင် (၇) နိုင်ငံ ကန့်သတ်

ဒီနိုင်ငံတွေက လာတဲ့ ခရီးသွားတွေကို ဂျပန်နိုင်ငံ ရောက်ရှိလာတဲ့အချိန်ကနေ ၁၄ ရက်အတွင်း ဂျပန်နိုင်ငံအတွင်း ဝင်ရောက်ခွင့်ပြုမှာ မဟုတ်ပါဘူး။


ဂျပန်နိုင်ငံအစိုးရက ထိုင်းနိုင်ငံ အပါအဝင် နဲ့ အခြား (၆) နိုင်ငံ ကို သွားရောက်ထားတဲ့ နိုင်ငံခြားသား ခရီးသွားတွေကို ဝင်ရောက်ခွင့် ကန့်သတ်လိုက်ပြန်ပါတယ်။ ဒီနိုင်ငံ (၇) နိုင်ငံ ဟာ လက်တလောမှာ ကိုရိုနာဗိုင်းရပ်စ် ကူးစက်မှု ပြန်လည်မြင့်မားနေတဲ့ နိုင်ငံတွေပဲ ဖြစ်ပါတယ်။ ဒီကန့်သတ်မှုဟာ မေလ (၂၁) ရက် သောကြာနေ့ကနေ စတင် သက်ရောက်မှာ ဖြစ်ပြီး ထိုင်းနိုင်ငံ၊ ကမ္ဗောဒီးယားနိုင်ငံ၊ သီရိလင်္ကာနိုင်ငံ၊ ဆေးရှဲနိုင်ငံ (အရှေ့အာဖရိကတွင်ရှိ)၊ စိန့်လူစီယာနိုင်ငံ၊ အရှေ့တိမောနိုင်ငံ နဲ့ မွန်ဂိုးလီးယားနိုင်ငံ တွေ ပါဝင်တယ်လို့ သိရပါတယ်။


ဒီနိုင်ငံတွေက လာတဲ့ ခရီးသွားတွေကို ဂျပန်နိုင်ငံ ရောက်ရှိလာတဲ့အချိန်ကနေ ၁၄ ရက်အတွင်း ဂျပန်နိုင်ငံအတွင်း ဝင်ရောက်ခွင့်ပြုမှာ မဟုတ်ပါဘူး။ ဂျပန်နိုင်ငံမှာ မိသားစုရှိနေတဲ့ တရားဝင်နေထိုင်ခွင့် ရသူတွေကတော့ ချွင်းချက်အနေနဲ့ ဝင်ရောက်ခွင့်ရမှာ ဖြစ်ပါတယ်။ ဂျပန်နိုင်ငံသားတွေကတော့ ဒီအစီအစဉ်မှာ အကျုံးမဝင်ဘူးလို့ သိရပါတယ်။ ဒါပေမဲ့လည်း ဒီနိုင်ငံတွေက ပြန်လာတဲ့ ဂျပန်နိုင်ငံသားတွေဟာလည်း ၆ ရက်တော့ ကွာရန်တင်းဝင်ကြရဦးမှာ ဖြစ်ပြီး ဆေးစစ်မှုများစွာကိုလည်း ပြုလုပ်ဖို့ လိုအပ်ဦးမှာပါ။ နိုင်ငံခြားသားတွေကတော့ ခု ကန့်သတ်လိုက်တဲ့ နိုင်ငံတွေအပြင် အိန္ဒိယ၊ ပါကစ္စတန်၊ နီပေါ၊ မော်ဒိုက် နဲ့ ဘင်္ဂလားဒေ့ရှ် နိုင်ငံတွေက လာတဲ့သူတွေပါ ကန့်သတ်ချက်မှာ အကျုံးဝင်ဦးမှာ ဖြစ်တယ်လို့ Japan Times က ဖော်ပြသွားပါတယ်။